Саяси қуғын-сүргін және ашаршылық құрбандары жерленген жерлердің картасы

Орналасқан орны

Жерлеу Баянауыл ауылында Торайғыров көшесінде орналасқан.

Баянауыл - Баянауыл ауданындағы ауылдық елді мекен, 1966 жылдан бастап қала үлгісіндегі кент, 1928 жылдан бастап аудан орталығы, Баянауыл кенттік әкімшілігінің орталығы (1920-1966 жылдары ауылдық кеңестің орталығы). Павлодардан оңтүстік-батысқа қарай 210 км және Екібастұздан оңтүстік-шығысқа қарай 135 км жерде Сабындыкөл көлінің жағасында орналасқан.

Баянауыл станицасы 1826 жылы құрылған.

1833 жылдан 1868 жылға дейін Баянауыл – Сібір қырғыздары облысының Баянауыл сыртқы округінің орталығы, 1869 жылдан – Семей облысының Павлодар уезі құрамында, болыс орталығы 1928 жылға дейін, 1928 жылдан – Павлодар округі құрамындағы аудан орталығы.

1934 жылдан 1938 жылға дейін Қарағанды облысының, 1938 жылдан – Павлодар облысының құрамына кірді.

1926 жылғы Бүкілодақтық халық санағының материалдары бойынша Баянауыл болысының Баянауыл ауылдық кеңесінің Баянауыл совхозында 387 шаруашылық есептелді, 1807 адам тұрған (оның ішінде 902 ер және 905 әйел жынысты).

Баянауыл ауылдық кеңесіне Баянауыл ауылы, Прилесная ауылы, Алексеевка ауылы, Егіндібұлақ және Саржапрақ хутор елді мекендері кірді.

 XX ғасырдың 30-50 жылдары Баянауылда Егіндібұлақ ауылдық кеңесінің Молотов атындағы колхоздың орталық мекені және 6 колхозға қызмет көрсеткен Октябрь МТС-і орналасқан. Ұжымшар В.М. Молотов (Скрябин) (1890-1985), кеңес мемлекет және партия қайраткері, 1921-1957 жылдары БКП(Б) ОК Саяси Бюросының және КОКП мүшесі болған мемлекеттік қызметкердің аты берілген.

1950 ж. Молотов атындағы колхоз ХІІІ партконференция колхозы (Қаражар ауылы) құрамына қосылды..

Ұлы Отан соғысы жылдарында Баянауылға Таволжан ауылынан ауыстырылған  Мануильский атындағы балалар үйі көшірілді.

Елді мекен атауы Баян-Ауыл тауына байланысты (моңғол тілінен - Баин-Ола) қойылған - "бай тау","бақыт, рақым тауы".

Жерленген адамдардың саны (егер белгілі болса)

белгісіз

Жақын елді мекен

Баянауыл а.

Қысқаша сипаттамасы (ескерткіш тастың, қоршаудың болуы)

Ескерткіш тас орнатылып, қоршалды

Орналасқан орны

Жерлеу Баянауыл ауданы Ақши ауылында орналасқан.

Ақши - Баянауыл ауданындағы ауыл, Ақши ауылдық округі орталығы, бұрыңғы Ұзынбұлақ ауылдық округінің КОКП XXI съезі атындағы  совхоз бөлімшесі. Ұзынбұлақ елді мекенінен 12 км қашықтықта орналасқан, ауылдық округтің орталығы Ақши – фитотопоним, тұра мағынасы «ши өсетін шатқал» деп аталады.

Жерленген адамдардың саны (егер белгілі болса)

белгісіз

Жақын елді мекен

Акшы а.

Қысқаша сипаттамасы (ескерткіш тастың, қоршаудың болуы)

Ескерткіш тас орнатылып, қоршалды

Орналасқан орны

Жерлеу Баянауыл ауданы Бірлік ауылының маңында орналасқан.

Бірлік - Баянауыл ауданындағы ауылдық елді мекен, Бірлік ауылдық округінің орталығы. Елді мекен Баянауылдан солтүстікке қарай 46 км және Павлодардан оңтүстік-батысқа қарай 175 км жерде орналасқан.

Бірлік ауылында 1961 жылы ҚазКСР Министрлер Кеңесінің №131 Қаулысымен құрылған "Бірлік" бұрынғы қой шаруашылығы кеңшарының "Александровский" кеңшары, "Майқайынзолото" қосалқы шаруашылығы және мемлекеттік жер қоры жерлерінің бір бөлігінде орталық мекен болған. Сол жылы Далаға шашыраған мал шаруашылығы нүктелері мен нысандарын (Ақмектеп, Егінді, Қарабие және т.б.) біріктіріліп "Бірлік" совхозы деп атанды.

Бірлік ауылының маңында қараусыз қалған Талдыкөл көмір шахтасы орналасқан.

XIX ғасырдың 40-жылдарының басында осы кеніште сегіз таскөмір қабаттары табылды. 1838 жылдан 1860 жылға дейін мұнда 33700 пұт көмір өндірілді.

Жерленген адамдардың саны (егер белгілі болса)

белгісіз

Жақын елді мекен

Бірлік а.

Қысқаша сипаттамасы (ескерткіш тастың, қоршаудың болуы)

Ескерткіш тас орнатылып, қоршалды

Орналасқан орны

Ескерткіш тас Жаңатілек ауылындағы мәдениет үйінің жанына орнатылды.

Жаңатілек-Баянауыл ауданындағы ауылдық елді мекен, Жаңатілек ауылдық округінің орталығы. Елді мекен Павлодардан оңтүстік-батысқа қарай 286 км және Баянауылдан оңтүстік-батысқа қарай 56 км жерде орналасқан.

Жаңатілек ауылында бұрынғы 40 лет Октября қой өсіретін кеңшардың орталық мекені болған. 1959 жылы ҚазКСР Ауыл шаруашылығы министрлігінің №266 бұйрығымен "Алексеевский" совхозы «Алексеевский» және «40 лет Октября» деп екі совхозға бөлінді.

1957 жылы Ресейде 1917 жылғы Қазан төңкерісіне 40 жыл толды, осыған байланысты совхоздың атауы пайда болды.

1961 ж.ҚазКСР Министрлер Кеңесінің №131 Қаулысымен «40 лет Октября» совхозы жерлерінің бір бөлігі жаңадан құрылған «Жайма» совхозына берілді.

Елді мекеннің атауы XX ғасырдың 30-шы жылдарында пайда болған "Жаңатілек" – "жаңа ұмтылыс" колхозының атауынан пайда болды. Бұл "жаңа (революциядан кейін) (коммунизмге) деген ұмтылысты" бейнелейтін 1917 жылдан кейін пайда болған идеологиялық атаулардың бірі.

Жерленген адамдардың саны (егер белгілі болса)

Зират жоқ

Жақын елді мекен

Жанатілек а.

Қысқаша сипаттамасы (ескерткіш тастың, қоршаудың болуы)

Ескерткіш тас орнатылды

Орналасқан орны

1997 ж.Егіндібұлақ ауылының маңындағы Байбұғы төбесінде сталиндік қуғын-сүргін құрбандарына ескерткіш орнатылды. Егіндібұлақ - Баянауыл ауданындағы ауыл, Құндыкөл ауылдық округінің "Алексеевский" совхозының бұрынғы № 2 бөлімшесінің Гагарин атындағы бригадасы. Аудан орталығы - Құндыкөл ауылынан 16 км-дей жерде орналасқан.

Егіндібұлақ ауылының негізі 1905 жылы слынған. 1926 жылғы Бүкілодақтық халық санағының материалдары бойынша, Егіндібұлақ хуторында 3 шаруашылық болған, 14 адам тұрған (оның ішінде 10 ер және 4 әйел жынысты).

ХХ ғасырдың 30-50-ші жылдары елді мекенде Егіндібұлақ ауылдық кеңесінің Сталин атындағы колхоз орталығының мекені болған. 1950 жылы Сталин атындағы колхоз құрамына "Одак" және 3-ші бесжылдық ұжымшары қосылды. 1957 ж. Сталин атындағы колхоз "Алексеевка" совхозының құрамына кірді. Егіндібұлақ атауының тұра мағынасы  "егістіктегі бұлақ".

Жерленген адамдардың саны (егер белгілі болса)

Зират жоқ

Жақын елді мекен

Егіндібұлақ ауылы

Қысқаша сипаттамасы (ескерткіш тастың, қоршаудың болуы)

Ескерткіш тас орнатылды