Қазақ 
Русский «Саяси қуғын-сүргін және ашаршылық құрбандары жерленген жерлерінің интерактивті картасы» Саяси қуғын-сүргін құрбандарын ақтау жөніндегі Аймақтық комиссияның қызметі аясында жасалды.
Картаны жасаудың мақсаты – Павлодар облысындағы саяси қуғын-сүргін және ашаршылық құрбандарының жерленген жерлерін тексеру, жүйелеу және барынша толық сипаттау. Саяси қуғын-сүргіннің жазықсыз құрбандары, ашаршылық құрбандары үшін тарихи әділеттілікті қалпына келтіру, халқына, ұрпақтарына жақсы есімдерін қайтару.
Сайттың ғылыми негізін мұрағат материалдары, ғылыми басылымдар, Д.Багаевтың фотосуреттері, куәгерлердің естеліктерімен, ұрпақтары және өлкетанушылардың сұхбаттары құрап отыр.
Ақпараттық негіз ретінде тарихи-этнографиялық экспедициялардың қорытыңдылары, саяси қуғын-сүргін құрбандарын ақтау жөніндегі аудандық комиссиялардың жетекшілері құрамына кіретін аудан әкімдіктерінің ішкі саясат бөлімдері ұсынған мәліметтері алынды.
Картада саяси қуғын-сүргін және ашаршылық құрбандарының жерленген жерлері, қорымдардың маңындағы жақын елді мекен туралы географиялық, тарихи және экономикалық мәліметтер көрсетілген.
Мәліметтер мұрағаттарда, мұражайларда жұмыс істеу барысында саяси қуғын-сүргін және ашаршылық құрбандарының жаппай бейіттерін іздестіру және жергілікті тұрғындармен, өлкетанушылармен, 1930 жылдардың басындағы қуғын-сүргін және ашаршылық құрбандарының куәгерлерінің ұрпақтарымен байланыс жасау негізінде ғылыми зерттеулер жүргізу арқылы берілген.
Картаны құру бірнеше кезеңде жүзеге асырылды. Бірінші кезеңде тарихи-этнографиялық экспедициялар кезінде анықталған географиялық координаттарды, ең жақын елді мекенді көрсететін, сондай-ақ әрбір қорымға сілтеме жасалған карта дайындалды.
Екінші кезеңде қорымдар орналасқан елді мекендердің тарихы туралы мәліметтер мен анықтамалар жинақталды. 1920-1930 жылдардағы ауылдық округтердің тарихына ерекше көңіл бөлінген.
Алдағы уақытта сайтты үнемі жаңа ақпаратпен толықтырып, мұрағат құжаттары, куәгерлердің сөздері, аудио және бейнематериалдар бойынша ғылыми зерттеулер негізінде жаппай бейіттер туралы геопорталды жетілдіру жоспарлануда.
Ақпаратты табуға және мұрағаттық құжаттар мен фотосуреттерді беруге көмек жасағаны үшін:
- Павлодар облысының мемлекеттік мұрағаты
- Г.Н.Потанин атындағы Павлодар облыстық тарихи-өлкетану мұражайына алғысымызды білдіреміз.
«Саяси қуғын-сүргін және ашаршылық құрбандары бейіттерінің интерактивті картасы» атты сайты (-pspu.kz) Павлодар педагогикалық университетінің Цифрландыру орталығының бағдарламалық-техникалық қызмет көрсету бөлімінің бағдарламалық қамтамасыз етуді әзірлеу және қолдау секторы негізінде әзірленді.
Саяси қуғын-сүргін құрбандарын ақтау жөніндегі облыстық комиссия өлкетанушыларды ынтымақтастыққа шақырып, саяси қуғын-сүргін құрбандарының жерленген орындары туралы ақпарат алады. Ең алдымен интерактивті картаға анықтамалық ақпарат ретінде қосылатын статистикалық ақпарат, облыстық мұрағаттар мен мұражайлар материалдары, заманауи фотосуреттер қызығушылық тудырады.